KEMBANG PATI

Seungit kembang malati jeung sedep malam meleber minuhan rohangan tengah,seungitna ka'angin-angin,matak sumeblak rus ras kaditu kadieu.
Peuting teh kalah beuki simpe maju ka jempling,cakcak silih udag parebut dahareun,asa tambah keu'eung sok komo bari nungguan nu keur humarurung adug songkol ti sore keneh.

Nu humarurung kalah angot,awak rangkebong hegak ning jero matak hariwang nu jagjag,mun disidik sidik sok sanajan nu geuring ripuh kacida tapi sari-sari geulisna katingali keneh,abong keur jagjagna sok reuseup ngaluis bae.

Simpe nyaliara sarohangan imah,angin sakapeung kadenge ngahiuk nebak suhunan,keur kitu nu gering ripuh semu cengkat bari malik ka lebah panto.
"Wa'alaikum salam!" Pokna ujug ujug kawas aya semah nu datang,kuring ngan wasa neuteup. Siak aya nu nyiak kana punduk,kuring ngareret ka lebah panto,sidik euweuh sasaha,koreleng ka panto hareup,nyingraykeun hordeng bisi enya aya semah,sarua taya sasaha,teu katingali nanaon.

Seungit kembang angger meleber ngagayuh ka janari,peuting simpe kacida karasana teh,angin beuki tarik ngahiuk kana suhunan jeung tatangkalan,pihujaneun nu mendungna ti sore keneh,kawasna rek wayah kitu bregna,enya bae teu lila tingparalak sora cihujan kana kenteng jeung dangdaunan,laun-laun tuluy ngagebret dipirig angin ngaguruh.
Dina sela sela cihujan nu rinyay ti langit,bet asa kokolebatan dina tetenjoana dua malaikat keur lungsur kana suhunan,malaikat anu ngawurkeun rohmat jeung malakal maot anu sayaga rek nyabut nyawa,
Saha nu rek dipundut peuting ieu,nu geuring ripuh atawa kuring.duka teh teuinglungsur kana suhunan,malaikat anu ngawurkeun rohmat jeung malaikalmaot anu sayaga rek nyabut nyawa,
Saha nu rek dipundut peuting ieu,nu geuring ripuh atawa kuring.duka teh teuing

BOA-BOA

Srangenge geus meletek deui bae,tapi cireumis masih nyesa nyalangkrung dina panto hate,teu kungsi palid dina kamalirna kabungah,kalah seukeut lir seukeutna letah nu teu tulangan,nyasa'ak nyoek'keun lambaran pangharepan,nguwak ngawik sagala impian,ancur teu kapulung,jadi bubuk.
Moal boa sakiceup bakal mancawura katiup ku angin lirih.
Lengkob angkeuhan jurang kamelang kaguar ku humandeuar
Lamping karingrang awor ku aweuhan rasa nu midangdam keureutan kadeudeuh sangkan maneuh.

Horeng kieu hirup nu katideresa ku wayahna,nunggu nunggu waktu nu boa bakal kalakonan,da gening asa ngajauhan kalah jauh ninggalkeun basisir ati,ninggalkeun parahu nu angkleung-angkleungan di sagara katineung.nunggu dileled ku lambak nu unggal menit ngadodoho.

Teu nyana cireumis bet jadi hujan poyan anu rongkah,teu mirosea datangna katumbiri,teu mirosea kuwung-kuwung nu ngabeberkeun sagala warnina,da bongan mega hideung ngukuntit dina satiap ketug jajantung jeung rongheapna hegakan kapeurih.

Ku cape srangenge teu ngahibaran poekna hate nu kalimpudan halimun kakangen